आज नाग पञ्चमी

काठमाडौं, भदौ २ । श्रावण शुक्ल पञ्चमीका दिन सनातन धर्मावलम्बीहरुले आज अष्ट नागपूजा गरी नाग पञ्चमी पर्व मनाउँदैछन् ।

घरको मुलद्वारमा नागको चित्रमा दही, दुबो, लावासहित चन्दन, अक्षता, नैवेद, धुपदीप गरी विधिपूर्वक पूजा गर्ने चलन छ ।

यसरी घरघरमा नागका तस्वीर टाँस्नाले मेघ, सर्प, र अग्निको भय नहुने विश्वास छ । नागका अष्टकुल अर्थात् अनन्त, बासुकी, पद्म, महापद्म, तक्षक, कुलीर, कर्कट र शंख नागको पूजा आजको दिन गरिन्छ । आज काठमाडौंको टौदह, नागदह, नागपोखरी र दहचोकलगायतका क्षेत्रमा मेला नै लाग्ने गरेको छ ।